ಹೇಳು ಬಾ ಗೆಳತಿ

ಹೇಳು ಬಾ ಗೆಳತಿ
ನೀ ನನಗೆ ಕೊಟ್ಟಿದ್ದು
ಅತಿ ಪ್ರೀತಿಯ ನೆರಳೋ ?
ಹುಸಿ ಪ್ರೇಮದ ಉರುಳೋ?

ದೂರದಲಿ ನೀ  ನಿಂತು ,
ಕಣ್ಣಲ್ಲಿ ಕಣ್ಣಿಟ್ಟು
ಮುದ್ದಾದ ನಗೆ ಬೀರಿ,
ನನ್ನ ಎದೆಯಲ್ಲಿ ಕಾಲಿಟ್ಟು ,
ಮನದಲ್ಲಿ ಮನೆಕಟ್ಟಿ 
ನೀ ನನಗೆ ಕೊಟ್ಟಿದ್ದು
ಅತಿ ಪ್ರೀತಿಯ ನೆರಳೋ ?
ಹುಸಿ ಪ್ರೇಮದ ಉರುಳೋ?

ಸಂಜೆ ಕಡಲ ತೀರದಲಿ,
ಪಕ್ಕದಲಿ ನೀಕುಂತು
ಹೆಗಲಿಗೆ ತಲೆಕೊಟ್ಟು,
ಕೈಯಲ್ಲಿ ಕೈ ಇಟ್ಟು
ನೂರಾರು ಮಾತಾಡಿ
ನೀ ನನಗೆ ಕೊಟ್ಟಿದ್ದು
ಅತಿ ಪ್ರೀತಿಯ ನೆರಳೋ ?
ಹುಸಿ ಪ್ರೇಮದ ಉರುಳೋ?

ಆಣೆಗಳ ಕೈಬಿಟ್ಟು
ಕನಸುಗಳ ಬದಿಗಿಟ್ಟು
ನನಗಿಂತ ಒಳ್ಳೆ ಹುಡುಗಿ
ನಿನಗೆ ಸಿಗಲಿ ಎಂದು ಹೇಳಿ
ನೀ ನನಗೆ ಕೊಟ್ಟಿದ್ದು
ಅತಿ ಪ್ರೀತಿಯ ನೆರಳೋ ?
ಹುಸಿ ಪ್ರೇಮದ ಉರುಳೋ?
                         ಆರ್ ಆರ್ ಅಶಾಪುರ್