ಕಾಳಜಿ

ನಿಮ್ಮ ಕಾಳಜಿಯನ್ನು
ಕಾಟ ಎಂದು ಭಾವಿಸುವವರಿಗೆ
ಟಾಟ  ಹೇಳಿ
ದೂರವಿರುವುದು ಲೇಸು
                             ಆರ್ . ಆರ್ . ಆಶಾಪುರ್ 

ದಾಹ

ನೊಂದ ಮನಸಿನ ದಾಹಕೆ
ಕಣ್ಣೀರಿನ ಮಳೆಸುರಿದರೂ
ದಾಹ ತೀರಲಿಲ್ಲ,
ದಾಹನೀಗಿಸಲು
ನೆನಪಿನ ಅಲೆಗಳ ಮೊರೆಹೋದೆ
ಅಲೆಗಳ ರಭಸಕ್ಕೆ ನಿಲ್ಲಲಾಗಲಿಲ್ಲ.

ಹಟ

ಅಳುತ್ತಿದ್ದ ಕಣ್ಣುಗಳನ್ನು ರಮಿಸಲು
ನಿನ್ನ ಭಾವಚಿತ್ರವನ್ನು ಮುಂದಿಟ್ಟೆ.
ಆದರೆ, ಇದ್ದಕ್ಕಿದ್ದಂತೆ ಮನಸು
ನಿನ್ನನ್ನು ಕರೆತರುವಂತೆ
ಹಟ ಹಿಡಿದು ಕುಳಿತಿದೆ.
                ಆರ್.ಆರ್.ಆಶಾಪುರ್

"ಹಿತ" ಶತ್ರುಗಳು

ನಮ್ಮ ಬೆಳವಣಿಗೆಯ ಸಹಿಸದೆ
ಕಾಲೆಳೆಯುವ ಜನರು,
ಕಾಲೆಳೆಯುವ ಭರದಲ್ಲಿ,
ನಮಗಿಂತ ಕೆಳಮಟ್ಟಕ್ಕಿಳಿದಿರುದನ್ನು
ಮರೆತಿರುತ್ತಾರೆ.
                     ಆರ್.ಆರ್.ಆಶಾಪುರ್

ಸತ್ಯ-ಸುಳ್ಳು

ಸುಳ್ಳು ದ್ರವರೂಪಿ
ಸ್ಥಳ, ಪರಿಸ್ಥಿತಿಗೆ ತಕ್ಕಂತೆ
ಹೊಂದಿ ಕೊಳ್ಳುವುದು.
ಸತ್ಯ ಘನರೂಪಿ
ಯಾವುದೇ ಸ್ತಳ ಪರಿಸ್ಥಿತಿ ಯಲ್ಲೂ
ಬದಲಾಗುವುದಿಲ್ಲ.
ಸುಳ್ಳಿಗೆ ಅನೇಕಮುಖ
ಸತ್ಯಕ್ಕೆ ಒಂದೆ ಮುಖ
                   ಆರ್.ಆರ್.ಆಶಾಪುರ್

ಸಮಾಜ ಸೇವೆ

ಕೋಟಿ ಸುರಿದು
ಓಟು ಪಡೆದು
ಲೂಟಿ ಮಾಡುವ ಕೆಲಸಕ್ಕೆ
ಲೂಟಿಕೋರರು ಕೊಟ್ಟ ಹೆಸರು
ಸಮಾಜ ಸೇವೆ.
                            ಆರ್.ಆರ್.ಆಶಾಪುರ್

ಔಷಧಿ

ನೇರ ನುಡಿಯುವವರು
ಕಹಿ ಔಷಧಿಯಂತೆ
ನಾವು ಯಾರಿಗೂ ಹಿಡಿಸುವುದಿಲ್ಲ
ಆದರೂ
ಅವಶ್ಯಕತೆ ಇದ್ದಾಗ
ನಮ್ಮ ಸಹಾಯ ಪಡೆಯಲು
ಯಾರೂ ಮರೆಯುವುದಿಲ್ಲ.
                                        ಆರ್.ಆರ್.ಆಶಾಪುರ್

ಮಿಸ್ಡ್ ಕಾಲ್

 
ತಪ್ಪಿ ಅವನ ಮೊಬೈಲ್ ಗೆ
ಬಂದ ಕರೆ
ಬ್ರಮಃಚಾರಿ ಜೀವನಕ್ಕೆ
ಹಾಕಿತು ತೆರೆ.

                   ಆರ್.ಆರ್.ಆಶಾಪುರ್

ಮರೆಯಲಾರದೆ

ಜೀವನ ಕಡಲಲ್ಲಿ
ಸ್ವಚಂದವಾಗಿ ಈಜುತಿದ್ದ
ಮೀನು ನಾನು,
ಪ್ರೀತಿ ಬಲೆಯಲ್ಲಿ ಬಂದಿಸಿದೆ ನೀನು,
ಜೀವ ಹೋಗುವ ಸೂಚನೆ ಇದ್ದರೂ
ಬಲೆಯ ಮೋಹಕ್ಕೆ ಸಿಲುಕಿ
ಗುರುತಿಸದಾದೆ.
ಬಲೆ ಇಂದ ಹೊರ ಹಾಕಿ ನಡೆದಿರುವೆ
 ಇಂದು ನೀನು,
ಬಲೆಯ ನೆನಪಿನಲ್ಲೆ
 ಕೊರಗುತಿರುವೆ ನಾನು
ಬಲೆಯನ್ನು ಮರೆಯಲಾರದೆ
ಮೊದಲಿನಂತೆ ಈಜಲಾರದೆ.
                 ಆರ್.ಆರ್.ಆಶಾಪುರ್

ಮರೆಯಲಾರದೆ

ನನ್ನ ನೆನಪಿನ ಕೆರೆಯಲಿ
ನಿನ್ನದೆ ಹೂಳು ತುಂಬಿಹುದು
ಹೊಸ ನೀರಿಗೆ ಜಾಗವಿಲ್ಲ
ಆದರೂ
ಹೂಳು ತೆಗೆಯಲು ಮನಸಿಲ್ಲ.
                 ಆರ್.ಆರ್.ಆಶಾಪುರ್

ದ್ವಂದ್ವ

ಮನಸು ಬಯಸಿದ ಕೆಲಸನ್ನು
ಬುದ್ದಿ ತಪ್ಪು ಎನ್ನುವುದು,
ಬುದ್ದಿ ಸರಿಯಂದ ಕೆಲಸವನು ಮಾಡಲು
ಮನಸು ಹಿಂಜರಿಯುವುದು.
ಬುದ್ದಿ, ಮನಸಿನ ಜಗಳದ ಮಧ್ಯೆ,
ಸರಿ, ತಪ್ಪುಗಳ ದ್ವಂದ್ವದ ನಡುವೆ
ಆಶೋತ್ತರಗಳ ಮರಣ.
                                     
                                        ಆರ್.ಆರ್.ಆಶಾಪುರ್