ಹೇಳು ಬಾ ಗೆಳತಿ

ಹೇಳು ಬಾ ಗೆಳತಿ
ನೀ ನನಗೆ ಕೊಟ್ಟಿದ್ದು
ಅತಿ ಪ್ರೀತಿಯ ನೆರಳೋ ?
ಹುಸಿ ಪ್ರೇಮದ ಉರುಳೋ?

ದೂರದಲಿ ನೀ  ನಿಂತು ,
ಕಣ್ಣಲ್ಲಿ ಕಣ್ಣಿಟ್ಟು
ಮುದ್ದಾದ ನಗೆ ಬೀರಿ,
ನನ್ನ ಎದೆಯಲ್ಲಿ ಕಾಲಿಟ್ಟು ,
ಮನದಲ್ಲಿ ಮನೆಕಟ್ಟಿ 
ನೀ ನನಗೆ ಕೊಟ್ಟಿದ್ದು
ಅತಿ ಪ್ರೀತಿಯ ನೆರಳೋ ?
ಹುಸಿ ಪ್ರೇಮದ ಉರುಳೋ?

ಸಂಜೆ ಕಡಲ ತೀರದಲಿ,
ಪಕ್ಕದಲಿ ನೀಕುಂತು
ಹೆಗಲಿಗೆ ತಲೆಕೊಟ್ಟು,
ಕೈಯಲ್ಲಿ ಕೈ ಇಟ್ಟು
ನೂರಾರು ಮಾತಾಡಿ
ನೀ ನನಗೆ ಕೊಟ್ಟಿದ್ದು
ಅತಿ ಪ್ರೀತಿಯ ನೆರಳೋ ?
ಹುಸಿ ಪ್ರೇಮದ ಉರುಳೋ?

ಆಣೆಗಳ ಕೈಬಿಟ್ಟು
ಕನಸುಗಳ ಬದಿಗಿಟ್ಟು
ನನಗಿಂತ ಒಳ್ಳೆ ಹುಡುಗಿ
ನಿನಗೆ ಸಿಗಲಿ ಎಂದು ಹೇಳಿ
ನೀ ನನಗೆ ಕೊಟ್ಟಿದ್ದು
ಅತಿ ಪ್ರೀತಿಯ ನೆರಳೋ ?
ಹುಸಿ ಪ್ರೇಮದ ಉರುಳೋ?
                         ಆರ್ ಆರ್ ಅಶಾಪುರ್

ವಿವೇಕ ದೀಪ

ಪರರ ಹೆಗಲ ಭಾರವನು
ಹೋರಲು ಹೆಗಲೊಡ್ಡಿ ನಿಂತಿಹೆವು
ಪರರ ಕಷ್ಟಕ್ಕೆ ಸ್ಪಂದಿಸಲು
ಪಣತೊಟ್ಟು  ನಿಂತಿಹೆವು

ವಿದ್ಯಾವಂತರ ಸೃಷ್ಟಿಯಿಂದಲೇ
ದೇಶದ ಏಳಿಗೆ ಎಂದು ನಂಬಿಹೆವು
ವಿದ್ಯಾವಂಚಿತರಿಗೆ ವಿದ್ಯೆ ಒದಗಿಸಲು
ನಮ್ಮ ಮೊದಲ ಹೆಜ್ಜೆ ಹಾಕಿಹೆವು

ನಮ್ಮ ಈ ಕಾರ್ಯದ ಯಶಸಿಗ್ಗೆ
ದೈವ ನಮ್ಮನ್ನು ಹರಸಲಿ
ನಾವಲ್ಲ ಹಚ್ಚಿರುವ ವಿವೇಕ ದೀಪ
ನಂದಾದೀಪ ವಾಗಲಿ
                           ಆರ್ ಆರ್ ಅಶಾಪುರ್          

ನಮ್ಮ ಕನ್ನಡ

ನುಡಿದರೆ ನಾಲಿಗೆಯ
ಪಾಪ ಕಳೆದಂತೆ
ಆಲಿಸಿದರೆ ಕರ್ಣಗಳಿಗೆ
ಪುಣ್ಯ   ದೊರೆತಂತೆ
ಬರೆದರೆ  ಹಸ್ತಕ್ಕೆ 
ಬಲವು  ಬಂದಂತೆ
ಕರುನಾಡಲ್ಲಿ  ಇದ್ದರೆ 
ಸ್ವರ್ಗದಲಿ  ನಿಂತಂತೆ
ಅನ್ಯ  ಭಾಷೆಯ
ಮೋಹಕ್ಕೆ ಸಿಲುಕಿ
ಕನ್ನಡವ ಮರೆಯುವಿರಲ್ಲ
ಏನಿಹುದು ಅವಕೆ?
ವಿಶ್ವದ ಪುರಾತನ
ಭಾಷೆ ಎಂಬ ಹೆಗ್ಗಳಿಕೆ ಕನ್ನಡಕೆ,
ಕನಕದಾಸ ,ಪುರಂದರ ದಾಸರಂತ
ದಾಸ  ಶ್ರೇಷ್ಠರ ಇತಿಹಾಸ ಕನ್ನಡಕೆ ,
ಬಸವಣ್ಣ, ಅಕ್ಕಮ್ಮ ,
ಜೇಡರ ದಾಸೀಮಯ್ಯ ,
ಅಂಬಿಗರ ಚೌಡಯ್ಯರಂತ
ವಚನಕಾರರ ಹಾರೈಕ ಕನ್ನಡಕೆ,
ತಾಯ್ನುಡಿ ಬೇರೆಯಾದರು,
ಕನ್ನಡದಿ ಬರೆದು ಜ್ಞಾನಪೀಠ ಪಡೆದ
ಕವಿವರ್ಯರ ಬೆಂಬಲವು ಕನ್ನಡಕೆ ,
ಅತಿ ಹೆಚ್ಚು ಜ್ಞಾನಪೀಠ ಪಡೆದ ದಾಖಲೆಯು ಕನ್ನಡಕೆ , 
ಏನ್ ಹೇಳಲಿ  ಇಂತ ನುಡಿಯ
ಮರೆಯಲೊರಟ ನಿಮ್ಮ ಸಣ್ ತನಕೆ .
ಎಷ್ಟು ಭಾಷೆಗಳ ಕಲಿತರೂ ಕೂಡ
ನಮ್ಮ ಕನ್ನಡವ ಮರೆಯುವುದು ಬೇಡ.
                                                ಆರ್.ಆರ್.ಆಶಾಪುರ್

ಎಲ್ಲರು ಪ್ರೇಮಿಗಳೇ

ಪ್ರಪಂಚದಲ್ಲಿ ಎಲ್ಲರು ಪ್ರೇಮಿಗಳೇ
ಕೆಲವರು ಮುಗ್ಧ ಪ್ರೇಮಿಗಳು
ಕೆಲವರು ಗುಪ್ತ ಪ್ರೇಮಿಗಳು
ಕೆಲವರು ಭಗ್ನ ಪ್ರೇಮಿಗಳು
ಕೆಲವರು ಲಗ್ನ ಪ್ರೇಮಿಗಳು
 ಉಳಿದವರು ........
ನಗ್ನ ಪ್ರೇಮಿಗಳು

ಮತ್ತದೇ ಏಕಾಂತ

ಬೆಳದಿಂಗಳ ರಾತ್ರಿಲಿ ನೈದಿಲೆ ನಕ್ಕಾಗ
ತಣ್ಣನೆ ಗಾಳಿಲಿ ಗಿಡಮರ ಕುಣಿದಾಗ
ನಿದ್ದೆಯಲಿ ನಿನ್ನ ದನಿ ಕೇಳಿಸಿ ಕಣ್ ತೆರೆದಾಗ
ಅದೇ ನಿನ್ನ ನೆನಪು, ಮತ್ತದೇ ಏಕಾಂತ.

ಹಳೆಯ ದಿನಗಳು ಕನಸಾಗಿ ಬಂದಾಗ
ಕನಸಲ್ಲೇ ಮುಳುಗಿ ನಾ ಕಳೆದು ಹೋದಾಗ
ನಿದ್ದೆಯಲಿ ಮುಖದಿ ಮಂದಹಾಸ ಮೂಡಿದಾಗ
ಅದೇ ನಿನ್ನ ನೆನಪು, ಮತ್ತದೇ ಏಕಾಂತ.

ಕಾರಣವಿರದೆ ದೂರವಾದ ವಿಷಯ ಮನಕೊರೆಯುವಾಗ
ಕಾರಣವ ಯೋಚಿಸಿ ನಾ ಸೋತು ಹೋದಾಗ
ಕಣ್ಣೀರೆ ಕೆನ್ನೆಯಲಿ ಮನೆಮಾಡಿಕೊಂಡಾಗ
ಅದೇ ನಿನ್ನ ನೆನಪು, ಮತ್ತದೇ ಏಕಾಂತ.
                                               ಆರ್ ಆರ್ ಆಶಾಪುರ್

ಮತದಾನ

ಸಾರಾಯಿ ಪಡೆದ ಋಣ ದಿಂದ
ಒಟ್ ಹಾಕಿ ಮುಕ್ತಗೊಂಡೆ
ನೀರು ಬರದೆ ವರುಷವಾಯ್ತು
ದನಿಯೆತ್ತಿ ಕೇಳೋ
ಅಧಿಕಾರ  ಕಳೆದುಕೊಂಡೆ

ಬಿರಿಯಾನಿ ಪೊಟ್ಟಣವ ಕೊಟ್ಟವಗೆ
ಮತ ಒತ್ತಿ ನೀಯತ್ತು ತೋರಿಸಿದೆ
ತುತ್ತು ಅನ್ನ ಸಂಪಾದನೆ
ಕಷ್ಟವಾಗಿದೆ ಇಂದು
ಕಷ್ಟ ಕೇಳುವ ಕಿವಿ ಕಿವುಡಾಗಿವೆ

ಮನೆಬಾಗಿಲಿಗೆ ಬಂದು ಕೈ ಮುಗಿದು

ಕಾಲು ಹಿಡಿದವಗೆ ಮತ ದಾನ ಮಾಡಿ

ಸಹಾನುಭೂತಿ ತೋರಿಸಿದೆ
ಈಗ ಭೂತವಾಗಿ ಕಾಡಿಹನು
ಎದುರಿಸಿ ನಿಲ್ಲುವ ಶಕ್ತಿ ಕಳೆದುಕೊಂಡೆ

ಕಂಡಕಂಡಲ್ಲಿ ತಿಂದು ಕುಡಿದು
ಬಂದೆ ಕಂಡವರಿಗೆ ಮತ ಹಾಕಿ
ನಿತ್ಯದ ಅವಶ್ಯಕತೆಗಳ
ಕಾಣದೆ ಬದುಕಿರುವೆ
ಬಾಯಲ್ಲಿ ಮಣ್ಣು ಬಿಳುವುದೊಂದೇ ಬಾಕಿ
                                        ಆರ್ ಆರ್ ಆಶಾಪುರ್