ಮತ್ತದೇ ಏಕಾಂತ

ಬೆಳದಿಂಗಳ ರಾತ್ರಿಲಿ ನೈದಿಲೆ ನಕ್ಕಾಗ
ತಣ್ಣನೆ ಗಾಳಿಲಿ ಗಿಡಮರ ಕುಣಿದಾಗ
ನಿದ್ದೆಯಲಿ ನಿನ್ನ ದನಿ ಕೇಳಿಸಿ ಕಣ್ ತೆರೆದಾಗ
ಅದೇ ನಿನ್ನ ನೆನಪು, ಮತ್ತದೇ ಏಕಾಂತ.

ಹಳೆಯ ದಿನಗಳು ಕನಸಾಗಿ ಬಂದಾಗ
ಕನಸಲ್ಲೇ ಮುಳುಗಿ ನಾ ಕಳೆದು ಹೋದಾಗ
ನಿದ್ದೆಯಲಿ ಮುಖದಿ ಮಂದಹಾಸ ಮೂಡಿದಾಗ
ಅದೇ ನಿನ್ನ ನೆನಪು, ಮತ್ತದೇ ಏಕಾಂತ.

ಕಾರಣವಿರದೆ ದೂರವಾದ ವಿಷಯ ಮನಕೊರೆಯುವಾಗ
ಕಾರಣವ ಯೋಚಿಸಿ ನಾ ಸೋತು ಹೋದಾಗ
ಕಣ್ಣೀರೆ ಕೆನ್ನೆಯಲಿ ಮನೆಮಾಡಿಕೊಂಡಾಗ
ಅದೇ ನಿನ್ನ ನೆನಪು, ಮತ್ತದೇ ಏಕಾಂತ.
                                               ಆರ್ ಆರ್ ಆಶಾಪುರ್