ಮತದಾನ

ಸಾರಾಯಿ ಪಡೆದ ಋಣ ದಿಂದ
ಒಟ್ ಹಾಕಿ ಮುಕ್ತಗೊಂಡೆ
ನೀರು ಬರದೆ ವರುಷವಾಯ್ತು
ದನಿಯೆತ್ತಿ ಕೇಳೋ
ಅಧಿಕಾರ  ಕಳೆದುಕೊಂಡೆ

ಬಿರಿಯಾನಿ ಪೊಟ್ಟಣವ ಕೊಟ್ಟವಗೆ
ಮತ ಒತ್ತಿ ನೀಯತ್ತು ತೋರಿಸಿದೆ
ತುತ್ತು ಅನ್ನ ಸಂಪಾದನೆ
ಕಷ್ಟವಾಗಿದೆ ಇಂದು
ಕಷ್ಟ ಕೇಳುವ ಕಿವಿ ಕಿವುಡಾಗಿವೆ

ಮನೆಬಾಗಿಲಿಗೆ ಬಂದು ಕೈ ಮುಗಿದು

ಕಾಲು ಹಿಡಿದವಗೆ ಮತ ದಾನ ಮಾಡಿ

ಸಹಾನುಭೂತಿ ತೋರಿಸಿದೆ
ಈಗ ಭೂತವಾಗಿ ಕಾಡಿಹನು
ಎದುರಿಸಿ ನಿಲ್ಲುವ ಶಕ್ತಿ ಕಳೆದುಕೊಂಡೆ

ಕಂಡಕಂಡಲ್ಲಿ ತಿಂದು ಕುಡಿದು
ಬಂದೆ ಕಂಡವರಿಗೆ ಮತ ಹಾಕಿ
ನಿತ್ಯದ ಅವಶ್ಯಕತೆಗಳ
ಕಾಣದೆ ಬದುಕಿರುವೆ
ಬಾಯಲ್ಲಿ ಮಣ್ಣು ಬಿಳುವುದೊಂದೇ ಬಾಕಿ
                                        ಆರ್ ಆರ್ ಆಶಾಪುರ್